Tag 161 bis 166 (5.9.-10.9.21 Clervaux / Rosport / Befort)

am sunntig sind mer stedtli vo clervaux go a luäge. natürlich au s alte schloss wo luut gschicht ufeme früähnere römische kastell erbaut worde isch. hüt hets en teil restaurant, e gallerie wo künstler ihri werch usstelled und en teil isch es alts chriegsmuseum, was mer den au sind go a luägä. da d`sunne lacht und mir langsam aber sicher turst händ, händ mer ois i e gartebeiz ghöcklet und chli de flanierende mänsche und em live musiker zuä gluäged und glosed. nacheme ziitli sind mer den miteme lustige paar wo mit de eltere underwägx gsi sind is gspröch cho. sogar s tanzbei isch na g`schwunge worde und sisch en lustige namittag/abig worde. (:

nächsti stopp isch rosport gsi, det händ mer wiider es hübschs plätzli a de sauer gha, wo mer a viilne verschiidene gäns händ chöne zuä luägä und en super schöne sunneuntergang beobachtä. mer hend ois zwei bike`s gmiietet und sind mit dene nach eternach düsed. det sind mer dur de märt und d`lädeli gasse gschlenderet, hend es richtigs feins cordon blue zum zmittag gschlemmt und sind den gmüätli wiider zrugg düsed. (oke, gmüätli isch andersch, denn oisi ärsch händ soo weh da vo denä härte sättel das mer na paar täg spöter oisi füdlihöcker gmerkt händ) (:

d`stadt luxemburg isch as nögsts ufem programm gstandä. und es hät sich soo was vo glohnt. es isch e super schöni stadt und es lohnt sich sehr die go a luäge und dur gasse zieh. zum glück händ mer es gwüsses bütsche zum verpulverä, wie det chasch shoppe bis der d`ohre abgheiäd. und all die alte gebäude, die mächtige felse wo d`stadt eich druff erbaut isch, de palascht mit de wachä vorne drah wo de liäb lang tag uf und abmarschieret und das viile multikulti isch eifach super gsi. de mit em parkplatz isch hald so e sach gsi mit somene grosse chlapf, aber nach dem ich d nerve scho ganz verlore ha und de marco langsam a gfange het nerve verlüüre hets au für ois na es plätzli gha. sogar e cools, wil mer hend chöne miteme lift de fels uf düüsä bis mer i de stadt inne gstande sind. (: nach paarstund hend mer ois den aber uf de wäg gmacht richtig belfort. eifach nomal nachli ab is grüänä und mal die schlösser und burgä go bestunä.

in belfort händ mer es super plätzli ufeme camping gfunde (was leider chli schad isch will mer da nöd soo chan freistah) und fühled ois scho fascht wiider wie chli am afang vo oisem trip. es het fascht kei lüüt me ufem campingplatz und so isches eifach sehr gmüätli, chasch führe und chli sii ohni das der platznummere näbed dra ständig zuäluägt.

am zweitä tag händ mer den oise profiant packt, wanderschuäh und rägejagge mondiert und sind ab dur de wald g`schwanzed, bis mer über schöni holzstäg d`burg vo belfort erreicht händ. natürli fehlts dach und paar muurä aber für das das es us em 12. jahrhundert stammt isches superguät zwäg und teils restauriert worde. e imposanti rundstäge hät mer meter wiit ufe chöne stiigä und fascht über die ganz burg bis zum schloss luägä und im cheller unä isch au d`follterchammere na mit paar mitelalterliche follter grät vorhande gsi.. pfuii duu zum glück hend mer das bewusst, nie müsse erläbe, wie sich die streckbänk, ect. a gfühlt händ. nach dem mer au sicher jede stei us de burgmuur betrachtet händ sind mer na dii alte brännöfe go aluäge wos de bekannti likör (cassis und waldhimmber) us dere region bränned. s hät den au es probiererli gäh, was der aso grad d`magewänd fladerrä la hät. wiiter isches nachli amne schöne bächli na und verbi a grossä felsbröcke wo ganz spezielli vormatione oder muschter gha händ. fascht als ob det mal paar troll dra gschaffed hetted. (:

am schluss hets en spazottel dur belfort sälber ge und churz vorem grosse räge sind mer wiider bim admiral iidroffä wo mer en warme tee trinked und ois nachli gnüssed.