Tag 143 bis 147 (18.8-22.8.21 Coo / Malonne / Furfooz / Nismes)

nacherä mega verrägnete nacht undeme usgibige z`morge het s`wetter doch chli welle schonä. da hend mer ois uf d`socke richtig la gleize gmacht. sisch es chlises dörftli wo zu de gmeind stoumont ghört. doch nach 200m hets ois bös verschiffed und so simmer scho als zwei räge tröpfli wiiter spaziert. de weg isch über stock und stei, dur de wald und über weidä. was aber chli e sumpf-partii gsi isch will dä bode das viile wasser garnüm mag schluckä. zum glück het de räge denn bald wiider ufghört und so simmer scho fascht wiider troche gsi bis mer in la gleize a cho sind. en lange und spannende ufentalt imene chriegsmuseum het den aber hunger gäh. so sind mer i dii negst beiz und hend ois verköstiget. vollgässe isches denn aber i schnelle schritt wiider richtig admiral, wo mer au ohni verseicht s`werde a cho sind und e warmi duschi uf ois gwartet hät.

da mer wiider mal chli shopping lust verspührt händ sind mer richtig namur zoge. in malonne, chli usserhalb vo namur sälber sind mer uf es chlises campingplätzli gfahre, wo mer am erste abig grad mal bim pokere bis i dii spahtä abigstunde de pösteli-bazä erspiilt händ. (de siiger het en gwüsse betrag chöne verchlöpfä)

soo ischs am negste moorge den mit em bus i d`stadt. namur isch d`hauptstadt vo wallonie und so mit nöd grad es chlises pflaster, hend ois zersch chli müsse z`rächt finde. sisch aber na e schöni stadt gsi, mit imposante alte gebäude und oberhalb wo sich d`maas und sabre träffed, stönd riisse muurä vonärä alte festig. mit em taxi isches den z`abig wiider zrugg uf de camping wo mer beid kei grossi gümp me gamcht händ.

ois hets grad glanget mal wiider soo viil lüüt uf eimal z`träffe und so sind mer wiider chli i d`natur use ghötterlet. furfooz isch grad mal ca. 40 min vo malonne entfernt liit i de gmeint dinant. sisch nöd grösser als eifach e chlini ussewacht vomen dorf und so hend mir ufeme parkplatz im wald parkiert und sind mit em grill und em volle rucksack an fluss lesse gloffe. au da zeichnet sich na immer s`enorme hochwasser ab. i de wälder und de wiise häts bergä vo schutt und abfall, halbi husiirichtige, campingwäge und allesmögliche hets i bäum ie gschwämmt. mer hend den aber es chlises schmuggs plätzli a de lesse g`funde und hend oisi würstli und härdöpfel grilliert. e guäti fläsche spanische rioja gnosse und gführlet was echt wiider mal richtig schön gsi isch obwohl de räge churz nachem ässe wiider het möge iizug halte.

nachere ruhige aber chli schräge (stand vom auto) nacht simmer nach nismes düüset. es isch es stedtli wo es chlises kanalisierts flüssli dedur zieht. chli oberhalb vo dem nimes sind mir ufeme parkplatz i wald nöchi. nacheme marsch dur paar felsgrotte simer na bitz dur de wald wiiter gloffe und hend ghofft mer chönd viilicht wiider fasahnä beobachte. leider hend mers aber nur ghört und nöd gseh. s`hät eimal me wiider mal möge schiffe was das zeughält und so simmer pitschpatsch nass gsii bis d`sunne wiider cho isch. so händ mer ois entschiidä paar schritt me mache und na abe is stedtli öpis feins go ässe.

nacheme feine tagliata di manzo, kaffi undere heisse schoggi isches wiider "hei zuä". (:

jez verdüämer ois na bitz mit tagebuäch undere rundii spiili....